sabato 26 mag
  • Tramonto montagna Longa

    Poesicula

    Cca ‘un sugnu nenti.
    Mancu lu ciavuru assumigghia a chiddu ca picciriddu sinteva.
    ‘Un sugnu nenti.
    Petri, rina ca lu ventu liscia e gghisa, ‘un mi talianu cchiù.
    Mi sentu straneo e unni mi firriu sentu ‘u vacanti.
    Caminu accussì, surdu, tra li mura comu ‘nta ‘n ciumi e a nudda ‘bbanna arrisieru.
    Passu avanti cu la tiesta ca mi buttia comu ‘na macina senza sceccu.
    ‘Sti mura tennu ammucchiati ‘i tempi ri picciriddu ma ‘un li fannu abbiriri o po’ essiri ca ‘un m’arricanuscinu cchiù.
    Sugnu iu!!
    Iu!!!
    Aspanuzzu….
    Cu l’occhi vagnati m’assettu, comu un maccarruni stinnutu m’arriposu.
    Chiuiu l’occhi e mi sentu ‘a facci quariari e lu ventu m’accarizza.
    E mi sentu, comu quannu stancu ri palluni, mi carmavu assittatu e mi veni ‘i ririri.
    Allura…!…eru iu ca ‘un m’arricurdava!!
    ‘Un pinsava ca testa e ‘u cori carmu.
    ‘Un facevu ‘u picciriddu….
    Tutti i cosi arrestanu stampati ‘nta a storia ri ‘stu paisi.
    E iu sugnu ancora, si ‘u vogghiu, tutto ra me’ terra.
    Cu arricorda è a storia ru so paisi, pi sempri.
    Luntanu cu l’occhi ma ‘nta ‘u so cori, ‘nta so’ testa.

    Palermo, Sicilia
  • Un commento a “Poesicula”

    1. Bella poesia. Originale complimenti. Ottimo spunto di riflessione.

    Lascia un commento (policy dei commenti)

    Ricevi un'e-mail se ci sono nuovi commenti o iscriviti.