martedì 20 nov
  • 'A passiata

    ‘A passiata

    Suli, mari, tierra e fangu
    c’è Palermo ‘nt’o me sangu.

    Mi va fazzu ‘na passiata
    mentri scrivu ‘sta sunata,
    e sbirticchia ‘a tiesta mia
    p’azzizzari ‘sta puisia.

    Ma ‘sta terra avi ‘na vuci
    ca riscurri ‘i fieste e cruci,
    e puorta ‘i palermitani
    senza nienti ‘nta li mani
    ad aviri l’occhi vunci
    e i sorrisi supra ‘i funci.

    Quindi passu r’a stazione,
    e prima ‘u scinniri a’ maggione
    isu l’occhi e viu ‘a Peppuzzu
    siempri n’capu ‘o cavadduzzu.

    «Ahhh si stavi ddà a Caprera
    l’Italia r’oggi a st’ura ‘un c’era».

    Però forse la me terra
    sparagnava chista guerra
    ca purto li siciliani
    sutta ‘i pieri ‘i sti ruffiani.

    Ma Peppuzzu ‘un ci pinsari
    ca n’arriesta ‘u suli e ‘u mari.

    E continua ‘a me’ passiata
    pi ‘sta tierra disgraziata.
    E caminannu mienzu ‘i strati
    viu li facci disperati
    di cristiani ormai arrinnuti
    a la sorti abbannunati.

    Ma taliannu buonu ‘i facci
    viu però ca nuddu chianci,
    viu la gente spinsirata
    ca s’attacca a ‘na risata. Forse ‘i lacrime finieru
    e ‘i cristini un s’arrinnieru.

    Forse li fratelli mia
    s’addunaru ‘i sta poesia
    ca Palermo rici a lu cori
    ri cui a vivi cu l’amuri!

    Ma picchi ‘sta firnicia?
    chisti ‘un su’ pinsieri mia!

    Sugnu stancu tornu a’ casa
    viu a me matri ca mi vasa,
    «mamma, scusa, sienti a mia,
    ma picchi sta terra mia
    pari tantu abbannunata
    ri sta gente sdisagnata?».

    «Ora rormi, ‘un ci pinsari
    ca rumani a’ travagghiari,
    ma ricorda ca a la gente
    dopu ‘na vita senza nienti
    si insignò ca c’abbastari
    chistu suli e chistu mari».

    (foto di Jorge Franganillo)

    Palermo
  • 2 commenti a “‘A passiata”

    1. Poesia meravigliosa!!!

    2. BELLISSIMA

    Lascia un commento (policy dei commenti)

    Ricevi un'e-mail se ci sono nuovi commenti o iscriviti.

'A passiata, 5.0 out of 5 based on 1 rating